چیمپئنز ٹرافی کے حوالے سے پاکستان اور بھارت کے درمیان قائم ہونے والے ڈیڈ لاک کو ختم کروانے کیلیے نیا فارمولا زیر غور ہے جس کا اطلاق 3 سال کیلیے آئی سی سی کے تمام ایونٹس پر ہوگا۔ ذرائع کا کہنا ہے کہ آئی سی سی چیمپئنز ٹرافی ڈیڈ لاک ختم کروانے کا نیا فارمولا زیر غور ہے ، پاکستان نے واضح کیا ہے کہ اُسے پیسے کی نہیں بلکہ اپنی عزت اور وقار کی پرواہ ہے۔ مزید پڑھیں: یہ نہیں ہوسکتا پاکستان بھارت جائے اور انڈیا نہ آئے، برابری کا فارمولا ہی قبول کریں گے، محسن نقوی پاکستان نے معاملے کے حل کے لیے برابری کی بنیاد پر نیا فارمولا طے کرنے کی پیش کش کی اور کہا ہے کہ پاکستان چاہتا ہے کہ نیا فارمولہ کم از کم تین سال کے لیے طے کیا جائے اور اس کا اطلاق صرف چیمپئنز ٹرافی کی حد تک نہ ہو۔ ذرائع کے مطابق پاکستان نے واضح کیا ہے کہ یہ فارمولہ اگلے تین سالوں کے لیے تمام آئی سی سی ایونٹس کے لیے لاگو ہوگا۔
from The Express News https://ift.tt/XV19LZy
0 Comments