پاکستان کا ٹی 20 ورلڈ کپ میں انڈیا کے ساتھ 15 فروری کو گروپ میچ نہ کھیلنے کے فیصلے کے بارے میں وزیرِ اعظم شہباز شریف نے کہا ہے کہ ہم نے یہ فیصلہ بہت سوچ سمجھ کر کیا ہے۔
بدھ کو اسلام آباد میں کابینہ کے اجلاس میں گفتگو کرتے ہوئے انہوں نے کہا کہ ’ٹی 20 ورلڈ کپ میں ہم نے بڑا واضح سٹینڈ لیا ہے کہ ہم بھارت کے خلاف میچ نہیں کھیلیں گے کیوں کہ پاکستان نے کہا یہ کھیل کا میدان ہے، سیاست نہیں ہے۔ کھیل کے میدان میں سیاست بالکل نہیں ہونی چاہیے۔‘
انہوں نے مزید کہا کہ ’ہم نے سوچ سمجھ کر یہ سٹینڈ لیا ہے اور اس حوالے سے ہمیں بنگلہ دیش کے ساتھ پوری طرح سے کھڑے ہونا چاہیے۔ اور یہ بہت مناسب فیصلہ ہے۔‘
یاد رہے کہ انڈیا کی جانب سے بنگلہ دیشی کھلاڑی مستفیض الرحمٰن کا آئی پی ایل کا کنٹریکٹ منسوخ کیے جانے کے بعد بنگلہ دیش نے انڈیا میں کھیلنے سے انکار کر دیا تھا جس کے بعد آئی سی سی نے اسے ٹورنامنٹ سے سے خارج کر کے اس کی جگہ آئرلینڈ کو شامل کر لیا تھا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اس کے ردِ عمل میں گذشتہ ہفتے پاکستان نے انڈیا کے ساتھ سری لنکا میں 15 فروری کو کھیلے جانے والے میچ کے بائیکاٹ کا فیصلہ کیا تھا۔
وزیرِ اعظم شہباز شریف نے کابینہ اجلاس کے دوران بلوچستان میں گذشتہ ہفتے عسکریت پسندوں کے حملوں کے بارے میں گفتگو کرتے ہوئے کہا کہ ’یہ انسان نہیں ہیں۔‘
ان کا کہنا تھا کہ گوادر میں خواتین کو بچوں کو نشانہ بنایا گیا۔ حکومت ان کے خاندانوں کی کفالت کرے گی۔
<p class="rteright">وزیرِ اعظم شہباز شریف کابینہ کے اجلاس سے بدھ 4 فروری 2026 کو خطاب کرتے ہوئے (پی ٹی وی سکرین گریب)</p>
from Independent Urdu https://ift.tt/5o9zPqT
0 Comments