عید الاضحیٰ کس دن ہوگی؟ ماہرین فلکیات نے پیش گوئی کردی

ماہرین فلکیات نے پیش گوئی کی ہے کہ ملک میں عید الاضحیٰ 27 مئی بروز بدھ کو ہونے کا امکان ہے۔

اے آر وائی نیوز کے مطابق ماہرین فلکیات کا کہنا ہے کہ نئے چاند کی پیدائش 16 اور 17 مئی کی درمیانی شب 1 بجکر 15 منٹ پر ہوگی، 17 مئی کی شام چاند کی عمر 18 گھنٹے سے زائد ہوگی۔

ماہرین فلکیات کا کہنا ہے کہ مطلع صاف رہا ہو تو 17 مئی کو چاند دیکھا جاسکے گا، یکم ذی الحج 18 مئی اور عید الاضحیٰ 27 مئی کو ہونے کا امکان ہے۔

اگر 17 مئی کو چاند نظر نہیں آتا تو اس صورت میں ماہ ذوالقعد 30 دن کا ہوگا اور عید الاضحیٰ 28 مئی کو ہوگی۔

ماہرین فلکیات کا کہنا ہے کہ چاند کی رویت کا حتمی فیصلہ مرکزی رویت ہلال کمیٹی کرے گی۔

یہ پڑھیں: پاکستان میں عید الاضحیٰ کب ہوگی؟ رویت ہلال ریسرچ کونسل نے تاریخ بتا دی

اس سے قبل رویت ہلال ریسرچ کونسل نے پاکستان میں عید الاضحیٰ کے حوالے سے پیش گوئی کرتے ہوئے کہا تھا کہ عید 27 مئی 2026 بروز بدھ منائے جانے کا قوی امکان ہے۔

کونسل کے سیکرٹری جنرل خالد اعجاز مفتی نے بتایا تھا کہ سائنسی اعدد و شمار بتاتے ہیں کہ پاکستان میں عید الاضحیٰ 27 مئی 2026 بروز بدھ منائے جانے کا قوی امکان ہے۔

کونسل کا کہنا تھا کہ نئے چاند کی پیدائش 16 اور 17 مئی کی درمیانی رات پاکستانی وقت کے مطابق 1 بج کر 15 منٹ پر ہوگی اور 17 مئی کی شام غروبِ آفتاب کے وقت چاند کی عمر اکثر علاقوں میں 18 گھنٹے سے زائد ہو جائے گی، جو کہ انسانی آنکھ سے چاند دیکھنے کے لیے کافی ہے۔

from ARYNews.tv | Urdu – Har Lamha Bakhabar https://ift.tt/UACHui5